مدونة تاسكتي مواضيع مفيدة لنظافة وصيانة المنزل
مقالات مشابهة
المشغولات والتحف المعدنية بتكون مصدر فخر لكل ست لما بتزين بيها اركان منزلها او بتستعملها في ضيافة ضيوفها, مجموعة التحف المعدنية بيكون لها معزة خاصة كل ما نشتريها من اماكن مختلفة بطرز مختلفة وكل ما يكون لها ذكريات معانا, خصوصا ان التحف المعدنية بطبيعة خامتها بتعيش اطول من التحف الصيني أو الزجاج مثلا وعشان نحافظ على جمالها ورونقها لازم نحافظ على نضافتها.
للمشغولات النحاسية : نمزج 125جم ميه +500جم كحول + 700 جم كربونات صوديوم +150 جم سيبداج ونخلطهم مع بعض وندعك النحاس كويس بالمحلول بقطعة من القطن وبعد الجفاف يدلك بقطعة قماش نضيفة للحصول على اللمعة أما الاجزاء المشغولة بننضفها بفرشاة اسنان ناعمة حتى لا تجرح السطح
المعادن المذهبة كالنجف والاباليك والبراويز : يخلط الكحول بنقط من النشادر ويدلك بفرشة ناعمة ويعاد التدليك بماء نظيف ثم تترك لتجف
المشغولات الفضية : تمسح بقطعة جلد شمواه مبلوله بالنشادر وشوية ميه وبعدين تتحط في ميه مغلية مضاف لها شوية صودا كاوية وبعدين تتغسل بميه نضيفة وننشفها بقطعة من القطن
الشمعدانات البرونز: نشيل آثار الشمع بغسلها بالماء الساخن وشوية كربونات صوديوم وبعدين نسيبها تنشف ثم تدلك بقطعة من القطن مبلولة بشوية كحول
أخيرا معروف ان مصر بتتميز بتحفها ومشغولاتها الفضية والنحاس من اجمل الاماكن اللي ممكن نشتري منها شوية كنوز نذوق بيها بيتنا النحاسين في شارع المعز وطبعا خان الخليلي حاولي تتحرى الاوقات اللي السياح فيها اقل طبعا مش حقد راديكم نصايح في الفصال لأنكم اكيد اشطر مني J
يا ريت تبعتلونا انتم عاوزينا نكتب مقالات عن ايه أو تبعتولنا اسئلتكم في مجال الديكور والتشطيبات وإن شاء الله نجاوب عليها في المقالات الجاية استنونا
