مدونة تاسكتي مواضيع مفيدة لنظافة وصيانة المنزل
مقالات مشابهة
عملية تصميم او توزيع اثاث الحمام من أهم خطوات تصميم اي شقة لعدة اسباب : أولا لأن الحمام أكثر الفراغات الوظيفية استخداما في الشقة ثانيا لأن اثاث الحمام مكانه ثابت لا يتغير طبعا اتساع الحمام يسهل مهمتنا كتير لكن عموما حندي شوية نصايح تسهل عملية فرش الحمام وتحقق الراحة في استعماله :
- المساحة الفارغة المطلوبة امام الحوض لاستخدامه لا تقل عن 100سم عرض *65 سم عمق. المساحة امام المرحاض 75سم عرض*55 سم عمق, امام الدش90سم عرض*70 سم عمق طبعا المساحات دي مش منفصلة وممكن تكون متداخلة المهم نحقق المسافة CLEAR لكل قطعة.
- حنرسم شكل الحمام بمقاساته على ورقة وممكن نجيب شوية ورق شفاف عشان نعمل اقتراحات فرش الحمام وكل اقتراح نوقع عليه قطع فرش الحمام ممكن نرسمها بشبلونة او نرسمها بايدينا على ورقة وطبعا نجيب مقاسها من الانترنت مع مراعاة ان في اشكال ومقاسات مختلفة للبانيوهات والادشاش لكل ماركة.
- مزنوق في المساحة فكر في الباب المنطبق او الجرار مكان الباب ممكن يتغير طالما لسه.
- قرار وضع الغسالة في الحمام او المطبخ هو قرار يخص ست البيت فقط ( زي بقية قرارات الشقة يعني J ) طبعا مساحة الحمام بتحكم.
- قاعدة التوالت توضع عمودية بشكل مباشر على الضلع الموجود به الصرف الرئيسي سواء كان جدار المنور او الواجهة لتجنب حدوث اي سدة بالتوالت.
- قاعدة التوالت توضع عمودية بشكل مباشر على الضلع الموجود به الصرف الرئيسي حتى لو انتي شايفة ان ساعتها فرش الحمام حيكون احلى وحتى لو السباك قالك هينفع اسمعي الكلام لو الميل مكانش مظبوط القاعدة هتتسد كل شوية وهتكرهوا حياتكم في الشقة.
- دراسة بديل كابينة دش بدل من البانيو التقليدي طبعا كل واحد فينا له اسلوب حياة مختلف ولو الحمام يسمح بوجود بانيو + كابينة دش يبقى افضل طبعا
- الحمام عموما بيقبل بسهولة يكون فيه اي دخلات او ردود في المباني وكلها لها حلول حلوة بعمل دواليب للفوط او للصابون او رف للشامبوهات وكلها بتبقى مدخل حلو للعب بالوان السيراميك .
اخيرا خد رأي السباك في رسمة الحمام ولو مرتحتش ومش مقتنع خد رأي متخصص ومتبخلش في الموضوع لأن زي ما قلنا الحمام هو اكتر فراغ هتستخدمه في بيتك طول عمرك
