الرئيسية / الخشب / كيفية الأكتشاف المبكر لسوس الخشب

كيفية الأكتشاف المبكر لسوس الخشب

سوس الخشب ممكن يكون كارثة في البيت إلا إذا حدث تدخل سريع لعلاجه بمجرد اكتشافه لأن  سوس الخشب معدي وسريع ومقاوم لطرق العلاج المختلفة, ممكن قطعة أثاث واحدة مريضة تكلفنا فرش البيت كله.

الوقاية منه : تبدأ بفحص الأثاث كويس جدا عند شراءه ويفضل اصطحاب نجار خبير, كمان بنشتري من مكان مضمون بيستخدم اخشاب مجففة جيدا, أما قطع الانتيكات بنعدي بإيدنا على القطعة عشان نحس لو في اي ثقوب فيها ونتأكد من عدم وجود أي نشارة للخشب فيها, ضروري نهوي الشقة بشكل دوري والحفاظ على الخشب من الرطوبة يعني لو في قطع اثاث انتيكات مش بنستخدمها مينفعش تتشال في غرف مقفولة رطبة أو غير نظيفة

اكتشافه : حنلاقي في قطع الخشب ثقوب في حجم رأس الدبوس ممكن طبعا تكون في اي مكان متداري وحيكون طالع منها نشارة خشب زي البودرة , ساعات ممكن نسمع واحنا نايمين صوت قرض السوس للخشب لأن السوس بينشط بالليل ويبتدي ياكل لو لا قدر الله سمعت الصوت ده يبقى لازم فورا تتحرك وتحاول تكتشف قطعة الاثاث المريضة.

العلاج : في طرق مختلفة للعلاج تتفاوت في نتيجتها افضلهم من وجهة نظري اننا نجيب مبيد مخصوص لمقاومة سوس الخشب غالبا بنشتريه من عند بتوع المبيدات الزراعية هيكون مكتوب عليه نسب الخلط وطريقة الاستعمال غالبا بيتخف بنفض او سولار, المبيد ده فعلا شديدة السمية يفضل أن اللي يعملها يكون خبير, يفضل قشط خشب الغرفة من الدهان (الغرفة كلها اللي لقينا فيها قطعة مصابة) يتم حقن الثقوب بالمحلول باستخدام سرنجة مع رش باقي الخشب بالمحلول بواسطة بخاخة برضه هنشتريها من عند بتاع المبيدات إن شاء الله هيجيب نتيجة كويسة, احيانا ممكن بالمعاينة نحصر الاصابة في قطعة خشبية معينة فيتم قطعها واستبدالها بقطعة خشب سليمة وحرق القطعة المصابة اللي بيعمل ده بيبقى نجار اثاث خبير بعد المعالجة ممكن نحط شمع برافين سخن على الاماكن المصابة وبعدين ندهن الغرفة تاني, في بعض الاحيان ممكن تكون القطعة تلفت تماما بحيث لا يمكن علاجها او اصلاحها يبقى تتحرق كلها.

طبعا الخسارة بتكون كبيرة بس اكيد اقل من ان المرض ينتشر لباقي العفش في الشقة وممكن نعتبر نفسنا بنجدد الاوضة ونغير لونها بدل ما ننكد على نفسنا.

 

شاهد أيضاً

غرفة باللون الاسود

طريقة تلميع الخشب الاسود المطفي

يضفي الخشب الاسود المطفي على اي قطعة اثاث أناقة وفخامة لا مثيل لها، ولكن الخشب …

اترك تعليقاً