مدونة تاسكتي مواضيع مفيدة لنظافة وصيانة المنزل
مقالات مشابهة
مناسب لغرف المكتب والانتريهات واحيانا الصالونات كمان ممكن ننجد بيه قطع زي ضهر السرير بشكل كابوتونيه, الجلد خامة جميلة وخصوصا لو كان طبيعي ووجودها في المكان بيدي احساس بضرورة احترام المكان حنحاول في مقالنا نعرف اكتر عن خامتنا الجميلة.
تصنيعه : الجلد الطبيعي بيمر بمراحل مختلفة من الدبغ والتصنيع بعد ما ناخده من الحيوان ولأن الجلد مادة حية فممكن يتعرض لبعض الاعتداءات من الحيوانات اللي بيظهر اثرها عليه أو يظهر تجاعيد السن وكل ما يزيد السن بيقل جمال الجلد ومرونته وبالتالي بيقل سعره, خلال عملية الدباغة بيتحول لون الجلد للون الرمادي وعشان كده بنحتاج نصبغه بالألوان المطلوبة.
أنواعه : اكتر الانواع شيوعا للجلد المستخدم في الاثاث هي جلد البقر والجاموس والعجول والثعابين, جلد البقر ارخصهم بيكون حجمه كبير وده بيسهل اننا نقدر ناخد قطعة أكبر لتسهيل تفصيل كسوة الاثاث, جلد الجاموس بيكون أقوى وبيتحمل اكتر عن جلد البقر, أما جلد العجول بيكون اجملهم في الشكل لأن علاماته منتظمة ومسامه واضحة, بالنسبة لجلد التعابين بيكون في وصلات لأننا بنحتاج عدد كبير ممكن يوصل لمئات عشان نقدر نكسي قطع اثاث لغرفة واحدة وطبعا هو اغلى واجمل الانواع المذكورة, عموما لابد من اخذ الجلد من حيوانات متماثلة في النوع والعمر ومكان الحياة لأن الاختلاف ممكن يؤدي لتغير لون الجلد بدرجات متفاوتة بعد الاستعمال والتعرض للشمس.
الحفاظ عليه : يفضل عدم تعرضه لشمس قوية مباشرة لفترات طويلة, وإذا تعرض للبلل يتم تجفيفة بقطعة قماش قطنية فورا, وينصح بتنضيفه باستمرار يعني منستناش لما يتوسخ وبعدين ننضفه, والأهم يتم تلميعه كل 6 شهور بشمع العسل وتجنب الاسبريات الخاصة بالاحذية هي ممكن تدي بريق ولمعة افضل وقتها لكن على المدى الطويل اثرها سيء وبتؤدي لتشقق الجلد
اخيرا عاوزين نأكد أن الجلد المصري من افضل أنواع الجلود على مستوى العالم وبالتالي بيعيش اكتر ونتيجته في الاصلاح والصيانة بتكون احسن وطبعا طالما جبنا سيرة الصيانة والاصلاح يبقى مفيش احسن من تاسكتي استنونا في المقال الجاي