مدونة تاسكتي مواضيع مفيدة لنظافة وصيانة المنزل
مقالات مشابهة
أول خطوة : لتوزيع الإضاءة هي اننا نفرش الشقة. طبعا مش المقصود بفرش الشقة اننا اننا نشيل ونحط العفش ونرصه والكلام ده لكن المقصود أننا نفرش البلان بتاع الشقة على الورق بنعمل كذا بديل ونقيمهم ميزات وعيوب ونقارن ما بينهم ونختار الأفضل وبناء عليه نبتدي نوزع نقط الكهرباء, مكان التلفزيونات, مكان التلفون, مكان التكيف الخ. مع مراعاة عمل نقط زيادة لمرونة التعديل في الفرش مستقبلا.
توزيع الإضاءة : الإضاءة بتستخدم لهدفين إضاءة المكان ووضوح الرؤية والهدف التاني التركيز على نقط جمال معينة في المكان عشان كده بيكون عندنا نوعين من الاضاءة غالبا اضاءة مركزية للغرفة وإضاءة اضعف فوق نقط معينة زي مثلا قطعة اثاث انتيكة أو ستارة رقيقة او لوحة فنية عميقة طب هعرف اماكن الكلام ده منين وانا لسه في مرحلة تأسيس الكهرباء والدنيا طوب وتكسير وعفرة ؟ من البلان اللي فرشناه على الورق.
اختيار شكل الاضاءة : هل هي سبوتات في سقف معلق او هي اباليك او كشافات او نجف او …. كل ده يتحدد من طراز الديكور واستخدام الغرفة. بالمناسبة السبوتات على الجدران بتفضح عيوب النقاشة والمحارة بخلاف النجف J
لون الضوء : مسألة بترجع لراحة العين والتعود وبرضه استخدام المكان يعني الإضاءة ال Warm غالبا بتدي نتيجة اشيك للصالونات والفرش الكلاسيك بينما اغلب الناس بتحب الضوء ال Fluorescent في غرف الولاد والمطبخ طبعا دي مش قاعدة وانا شخصيا بفضل الخلط بين الاتنين بحيث يكون عندي الامكانية اني انور المكان بالطريقتين, في كمان دلوقت نوع من السبوتات اسمها Day light ودي لونها اقرب ما يكون لضوء الشمس والابحاث بتقول انها بتحسن مزاج الأشخاص اللي مبيتعرضوش لضوء الشمس كفاية يعني لو طبيعة شغلك انك بتخرج بدري تقعد في مكتب قصاد كمبيوتر لغاية المغرب وتروح مبتشوفش الشمس اللمبات د يحتكون جزء من حل المشكلة …. لازم تخرج وتروح النادي او تقعد عالبحر …. الناس اللي بتشتغل في موقع زي حالاتي مش محرومين من حلاوة شمسنا طبعا L.
طيب حنحسب عدد السبوتات وقوتها ازاي؟ توزيعها على مفاتيح الكهرباء؟ نختار من البراندات ازاي مع اختلاف الاسعار؟ كل الاسئلة دي حنجاوب عليها المقال الجاي استنونا
