مدونة تاسكتي مواضيع مفيدة لنظافة وصيانة المنزل
مقالات مشابهة
ازاي نختار جهاز التكييف المناسب للمكان المناسب؟ جهاز التكيف فى الوقت الحالى أصبح ضرورة بالنسبة لنا خصوصا مع ارتفاع درجات الحرارة في بلادنا في السنين الأخيرة, مش بس درجات الحرارة اللي ارتفعت لا ده فواتير الكهرباء ارتفعت كمان, طيب ازاي نقدر نحصل على تبريد لشقتنا بتكلفة اقل ده اللي حنحاول نوضحه في مقالنا من أول تجهيز المكان :
- أولا من مرحلة المباني يفضل بناء الحوائط الخارجية بسمك طوبة مش نص طوبة زي ما هو شائع عشان تزود عزل درجة حرارة البيت سواء في الحر أو البرد, طبعا لو احنا شاريين الشقة جاهزة مش حنقدر نعمل كده وغالبا الجدران حتبقى مبنية على نص طوبة.
- لو عندنا جدار غربي مش محمي من أشعة الشمس بجار يبقى لازم نعزله بالواح الفوم سمك 4 سم مثلا ونبني جنبها جدار بسمك ربع طوبة الخطوة دي حتقلل من حرارة الجدار بشكل كبير.
- الدور الأخير لازم نعزل سقفه من الحرارة باستخدام الواح الفوم عالي الكثافة.
- الشبابيك الواسعة الالومنيوم لازم يكون الزجاج مزدوج ومن نوع عاكس فيميه وكمان نحط عليه ستارة وبفضل Blackout كل الخطوات السابقة دي حتقلل من اجهاد التكييف والحمل الحراري عليه.
- يفضل أن الوحدة الخارجية للجهاز (الكباس) تكون موجودة في البحري أو تكون مظللة إن أمكن, لأن الجهاز بيركب على الواجهة ومش دايما حنقدر نحقق المسألة دي.
- الفان (الوحدة الداخلية) بتركب بحيث أنها ترمي الهواء في الاتجاه الطويل للغرفة (برضه إن أمكن) مع مراعاة وضعيتها مع وجود ستارة على الشباك من عدمه وعشان كده يفضل دراسة مكان التكيف من مرحلة قبل تشطيب الشقة.
طيب ازاي حنعمل كهرباء التكيف ؟ وازاي حنختار الموديل والنوع؟ نحسب ازاي قدرته بالنسبة للمكان المطلوب تكييفه؟ الخصائص التكنولجية الجديدة احنا محتاجينها ولا لأ؟ كل ده حنجاوب عليه في المقال القادم إن شاء الله استنونا
