الرئيسية / تكييف / جهاز التكييف (الجزء التانى)

جهاز التكييف (الجزء التانى)

 

اتكلمنا المرة اللي فاتت على شوية تجهيزات في المنشأ تقلل من الحمل الحراري على التكييف وتخليه يشتغل بشكل افضل حنكمل نصايحنا المرة دي عن شراء وتشغيل جهاز التكييف.

  • في تلات انواع شائعة للتكيف الشباك والسبليت والمركزي بالنسبة للسبليت فده بيكون وحدتين داخلية لتوزيع الهواء والخارجية اللي بيكون فيها الموتور وبيتم فيها عملية التبريد, بخلاف الجهاز الشباك بيكون جزء واحد ومن اسمه بيتركب زي الشباك وبيحتاج تكسير للجدار مكانه حنلاقي أن فرق السعر بين الشباك والسبليت ميوازيش صوته العالي والتكسير أما المركزي فغالبا اللي بيركبه بيلجأ لمتخصص في التكيف لتصميم وتنفيذ شبكة التكييف وعشان كده حنقتصر في كلامنا على السبليت لأنه الاكتر شيوعا في بيوتنا والانسب
  • يتم توصيل خط كهرباء التكييف على لوحة الكهرباء مباشرة ويكون سمك 4مم على الاقل لغاية 6مم (تبعا للامبير ) وطبعا يتوصل على مفتاح قاطع فرعي ويكون جنبه مفتاح اوفرلود وغالبا بنعمله بشكل رأسي في الجدار عشان يتعرف
  • قدرة الجهاز بتتحسب بحجم الهواء المطلوب منه تكييفه فمثلا تقريبا نقدر نقول ان الحصان بيكيف 30متر مكعب هواء ومن باب التجوز بيكيف 8-10 م2, طبعا ارتفاع الدور بيفرق في حجم الهواء يعني الشائع انه في حدود 3م لكن احيانا في فيلات المناطق الجديدة بيزيد ل3.5 م مثلا او يقل في بعض العمارات ل2.90م , مننساش كمان أن حجم قطع الاثاث بيتخصم من حجم الهواء, عدد مستخدمي الغرفة ووجود مصادر للحرارة كلها عوامل بتأثر, بالاضافة لماركة الجهاز يعني قوة الحصان ممكن تفرق بين الماركات
  • فرق سعر الجهاز بارد وسخن من بارد فقط مش كبير هاته بارد وسخن, هاته بلازما خاصية مش بتسحب كهرباء اد كده بس بتنقي الهواء من الروائح, الانفرتر تكنولجيا جديدة ممكن توفر في استهلاك الكهرباء ل40% لكن للاسف بتضاعف تمن الجهاز في البداية لو تقدر تشتري الميزة دي في البداية ماشي مش حتقدر هاته جهاز عادي.
  • رفع درجة حرارة الجهاز المطلوب الوصول لها معناه شغل لوقت اقل وسحب كهرباء اقل اضبطه على 21 او اعلى لو تقدر بلاش 16 و 17 لاحظ أن الجهاز بيبرد الهواء الموجود بالمكان وخلال عملية التبريد الهواء بيفقد الرطوبة يعني بعد فترة حتحس ان الجو احسن بدرجة حرارة اعلى لأن الهواء بقى جاف اكتر

في النهاية متنساش تنضف فلاتر الجهاز كل 6 شهور مرة وإلا حتبقى مزرعة بكتيريا عظيمة, كل سنة هات بتوع الصيانة ينضفوا الموتور بالبلاور ولو حتسيب الجهاز من غير تشغيل غطي الوحدة الخارجية الغطاء بيتباع عند بتوع التكيفات فاضل نقطة صرف التكيف او مواسيره ودي ممكن نتكلم عليها مرة تانية في مقال عن السباكة مثلا استنونا.

 

شاهد أيضاً

تكييف شباك

صيانة التكييفات الشباكية في المنزل قبل الصيف

التكييفات الشباكية هي اقدم اشكال التكييفات، و أرخصها، و لذلك يمكنك أن تجد منها في الكثير …

اترك تعليقاً